情人節亦就嚟到啦，睇多啲我哋嘅撩妹語錄，準備下自己啦！為咗方便大家，我哋將最近嗰100句撩妹語錄放埋一齊，等大家可以好好準備情人節點樣𠱁另一半～
無論你有冇拍拖，我哋嘅撩妹語錄一定幫到你，如果未有嘅話唔緊要睇埋呢100句撩妹語錄，話唔定可以幫到你搵一段新嘅姻緣。
另外最近第五波疫情來勢洶洶，大家響應特區政府在家抗疫或者在家工作除左好悶之外，亦都一定少左機會同你嘅另一半或者異性接觸。唔洗擔心，我地會繼續為大家準備左疫情下嘅撩妹語錄特別版，幫你喺疫情下溝女。
撩妹語錄除咗用嚟溝女，更加可以增加情侶之間嘅情趣！令你哋嘅關係更加保鮮！
1.
（Signal / WhatsApp 限定）
A：i n 55!w ! (密碼)
B：你send啲咩俾我呀？
A：你試下掉轉嚟睇？係 i miss u !
2.
A：你點解成日去做尖嘅？想考消防呀？
B：因為你囉！
A：因為我？
B：我想做撐得起自己女人嘅男人。
3.
A：嘩間房咁黑你做咩唔開燈？
B：因為我想暗中保護你。
4.
A：你隻眼做咩咁明亮嘅。
B：因為我望到一啲閃閃發光嘅嘢。
5.
A：你碗麵淋啦喎，你做咩唔食呀？
B：我想睇住你食咗先！
A：點解嘅？
B：你嘅溫飽係我嘅頭等大事。
6.
A：我研究左好耐，發現地球中心論係錯嘅
B：21世紀啦喎，你而家先知似中度喎
A：因為你先至係我嘅中心～
7.
A：點解你成個都好匆忙咁嘅？
B：我加快步伐我怕係我追到你之前你就俾人追走左。
8.
（Signal / WhatsApp 限定）
A：我可唔可以用您嚟稱呼您？
B：您同你有咩分別呢？
A：如果你Ok 嘅，咁你就可以響我心上面！
9.
A：點解你冇拍拖嘅？
B：都冇人鍾意我
A：咁啱嘅，我就係叫都冇人。
10.
B：你英文係咪叫virus ？
A：點解嘅？
B：因為我對你完全冇抵抗力！
11.
A：時間真係過得好快，十年好快就過，你話十年後嘅今日會係咩日子呀啦？
B：咪十年後嘅今日囉
A：我希望係我哋嘅拍拖十週年紀念日！
12.
A：我發現我係一個好鍾意比較嘅人
B：點解呀，人比人比死人（其實佢答乜都冇所謂）
A：因為同完其他人比較之後我發現你最好！
13.
B：多謝你陪左我成晚！
A：咩呀！琴晚我地冇見喎
B：多謝你琴晚係我嘅夢入面陪咗我成晚。
14.
A：我開始發現我寄唔到嘢
B：係咪因為年紀大咗啊？
A：因為自從我識咗你之後我個靈魂就俾你吸左，你嘅身影、你嘅聲音、你嘅氣味都充斥着我每一個記憶。
15.
A：原來受酷刑係咁痛苦
B：你做咩事受酷嘅～施行酷刑係犯法㗎喎！
A：我對你嘅思念就係一種酷刑，對你嘅掛念每分每秒都折磨緊我嘅心。
16.
A：如果你可以變成一種動物，你想變成乜嘢？
B：貓、狗（其實佢答乜嘢都冇所謂）
A：我會想變成一隻雀仔
B：點解呢
A：因為我可以每日都飛嚟搵你
17.
A：如果而家就要世界末日，你有咩想做
B：冇，同而家一樣！
A：吓，點解嘅！
B：我想好似而家咁留係你身邊！
18.
A：識咗你之後我嘅習慣有好大改變
B：例如呢？
A：以前我睇手機係為左上連登，而家係為左等你signal我
19.
A：I phone真係好差！
B：有好差咩？用得好順喎
A：IPhone阻住我錫你！
20.
B：樹會隨時間長大，相會隨時間變舊，錢會隨時間貶值，有啲咩係唔會變？
A：黃金？
B：係我對你嘅愛呀～
21.
A：玫瑰可以帶俾你芳香，太陽可以帶俾你溫暖，鑽石可以帶俾你永恆，咁你知唔知我可以帶啲咩俾你？
B：帶啲咩？
A：我可以俾啲愛你～
22.
（情侶限定）
A：你可唔可以扮吓啄木鳥
B：要點樣扮呀？
A：用我塊面嚟扮～
23.
A：嚟緊聖誕節（咩節日都得）不如得地交換下禮物？
B：交換禮物有冇啲咩限制㗎？
A：我俾我個心你，你俾你個愉我，我地交換心靈！
24.
A：有啲人鍾意打沙包，有啲人鍾意打木人樁，有啲人鍾意打套路，你估下我鍾意打啲乜嘢？
B：打太極？
A：我鍾意打電話俾你傾計！
25.
A：我有啲頭暈呀！
B：做咩事呀？
A：因為我嘅世界圍住你轉～
26.
A：你知唔知你係咩人？
B：我係香港人囉～
A：你係惟一一個令我唔再孤單嘅人
27.
A：我想問你要啲嘢？
B：你想要啲咩啊？
A：我想要你將一生嘅幸福付托俾我。
28.
A：點解你成日同我行element嘅？
B：因為我想你知你係我生命嘅the element
29.
A：去迪士尼可以做公主，去海洋公園可以做海獅威威，咁去獅子山可以做咩？
B：做獅子？
A：可以做望夫石！（用手轉佢個頭望住自己）
30.
A：你睇，我掘左一桶泥返嚟！
B：傻佬，你掘咁大桶泥返嚟做咩呀？
A：我打算用嚟種我地嘅愛情小苗～
31.
A：你成日過嚟我屋企搵我會唔會好攰呀？
B：唔會呀
A：但我住天水圍，你住赤柱喎。
B：通往我愛人屋企嘅路永遠都只有期待～
32.
A：而家每日都好多人移民，你會唔會移民呀？
B：會呀！
A：噢…….咁我地咪冇得再見囉⋯⋯
B：我想移入你個心入面！
33.
A：點解你唔移民嘅？
B：因為香港有令我留戀嘅野。
A：例如呢？
B：例如你～
34.
A：你知唔知點解我咁鍾意同你搭摩天輪？（同女仔搭摩天輪嗰陣講）
B：因為維港兩岸的景色好靚？
A：唔係，因為我可以同你經歷所有高高低低～
35.
A：喂大頭仔，點解你個頭咁大嘅？
B：因為我個頭裝滿我同你嘅回憶！
36.
(用嚟撩中意mirror嘅人）
A：你中意唔中mirror？
B：我中意mirror 呀
A：你最鍾意邊一個？
B：姜濤！（佢答邊個都無所謂）
A：我最鍾意同你一齊照鏡果陣見到嘅你～
37.
A：我就嚟浸死啦
B：好地地響屋企點解會浸死？
A：因為我每次一掛住你就會喊，就來比自己嘅淚水浸死
38.
A：你同我一齊兩年到底鍾意我啲乜嘢？
B：我鍾意係同你一齊嘅感覺，一齊嘅舒服～
39.
A：你今日做乜唔講嘢嘅？
B：因為兩個相愛嘅心係唔需要語言。
40.
A：我近排發現自己嘅文采好咗。
B：你終於肯去讀書啦？
A：唔係，因為每一個墮入愛河嘅人都係詩人。
41.
A：我最近發現咗一樣嘢可以擺脫痛苦同煩惱！
B：係乜嘢呢？
A：係同你嘅相處。
42.
A：你知唔知有啲乜嘢入咗去就好難出返嚟？
B：黑社會？
A：係我同你嘅愛情啊～
43.
A：點解你做咗啲柒野你都仲笑得出嘅？
B：因為同你一齊做啲乜嘢都覺得好好味好好美妙。
44.
A：點解我同你一齊成日都會做啲奇怪嘢嘅？
B：乜你冇聽過一個傳說咩？
A：係乜嘢傳說呀？
B：邊度有愛邊度就會有奇蹟！
45.
A：你要住著多件衫呀～
B：點解你係咁叫我著多一兩件衫嘅？
A：因為新界再低一兩度～
46.
A：有時我淨係想瞓覺。
B：點解嘅？
A：因為只有喺夢入面先可以同你相愛
47.
A：就算三十年後你老咗之後有啲嘢你都一定要記住～
B：係乜嘢呀？
A：就係我會永遠都咗愛你～因為你帶左光明同愛俾我～
48.
A：我發現自己愈嚟愈唔冷靜
B：點解嘅
A：因為每當我見到你我都壓抑唔到自己嘅愛意
49.
A：近排我發現自己肥左呀
B：咁咪好囉～
A：咁都好？
B：呢啲係幸福肥呀！
A：咩係幸福肥？
B：即係係瘦果陣飛入我心房，之後肥左就會卡住走唔到～
50.
A：點解我望邊你又望邊嘅？
B：因為我想我嘅目標同你一致？
A：吓，我唔太明～
B：因為愛唔係凝視對方，而係大家嘅方向一樣～
51.
（signal /WhatsApp 限定）
A：我愛你呀！
B：點解你成日都用signal講，唔親口講嘅？
A：因為當我見你唔到我覺得自己超愛你！
52.(適合食飯果陣用)
A：你做咩望住79食飯嘅？
B：因為你食飯個樣好可愛~
53.
A：嚟緊禁晚市堂食啦！
B：咁咪好囉～
A：有幾好呀！
B：咁你咪可以上我屋企食飯～
54.（係對方整親果時用）
A：哎呀！（大嗌）
B：做咩事呀！
A：我好痛呀！
B：我先係整親果個喎～
A：見你整親我心好痛～
55.
A：口罩真係好～
B：有咩咁好呀！
A：因為口罩遮住咗你個樣！
B：咁你即係話我樣衰姐！！！
A：係令我留意到你內心更美嘅一面～
56.
A：我地去邊行街好？
B：去沙田呀～
A：又沙田？新城市我行到厭啦喎！
B：咁我地行出少少～
A：行邊呀？
B：新城市出面嘅婚姻註冊處！
57.
（適合同居情侶）
A：我個信箱爆左啦！
B：我岩岩睇過未爆呀～
A：我指嘅係心入面嘅信箱爆左！
B：吓？
A：因為佢裝滿左你對我嘅愛意～
58.
A：如果俾你變做一樣野你會想變成乜野？
B：貓（佢答乜都冇所謂）
A：唔錯呀～我就會想變成一部手機！
B：點解嘅？（佢冇問嘅就自己講埋）
A：因為可以日日陪住你，俾你望、俾你摸、聽到你把聲、仲可以睇到你睇到嘅野。
59.
A：點解你咁中意同我行supermarket 嘅～
B：因為好食囉！
A：間間supermarket都一樣㗎啦！
B：你揀嘅食物特別好食～
60.
A：點解你成日都無所事事咁嘅！
B：我有幾無所事事呀？
A：你成日都喺我面前行嚟行去囉！
B：你有冇聽過吸引力法則？
A：即係點？
B：即係我會俾啲靚嘅嘢吸引住！（故意曲解吸引力法則）
61.
（適用於餐廳）
A：呢個好好食！
B：呢個呢？
A：好食！
B：咁呢個呢？
A：都好食！
B：個個你都話好食嘅！
A：同你一齊食乜嘢都好好食！
62.
（適用於行耳機店或者喺誠品試耳機嗰陣）
A：呢個音質點呀？
B：好！
A：呢個呢？
B：更好
A：你好hea啊個個都話好，咁我買邊個好？
B：噢，聽住你把聲，點樣都好聽。
63.
A：你鍾意我啲乜嘢？
B：你估吓？
A：我個樣？我嘅內在美？
B：我鍾意同你一齊嘅感覺
64.（適用於行零食鋪嗰陣）
A：你想食啲乜嘢糖？
B：我哋嘅囍糖！
65.
A：你好粗魯啊成日郁手郁腳。
B：除咗郁手郁腳我仲郁緊啲嘢！
A：你仲郁緊啲乜嘢啊！
B：對你心郁！
66.
A：我覺得戴口罩真係好好
B：你又想話我樣衰？
A：如果冇戴口罩我驚我忍唔住喺條街上面係咁錫你
67.
A：我近排成日失眠
B：係咪有啲咩煩緊
A：煩緊點樣同你表白/因為掛住一個好重要嘅人
68.
A：教師節快樂
B：我唔係做老師個喎
A：但你教識咗我咩叫愛情
69.
A：你鍾意邊個國家
B：我鍾意日本
A：我鍾意一個由我同你組成嘅家
70.
A：我最近發現自己有啲停滯不前
B：點解嘅
A：因為喺愛情嘅道路上俾你堵塞左，從此我就決定停低落嚟。
71.
A：如果我用頭撞你個頭，邊個痛啲？
B：緊係我啦，你咁大舊
A：我先啱呀！因為我撞你我頭同心都痛！
72.
A：喂，你專心啲啦，成日都心不在焉嘅！
B：梗係啦，我心不在焉，因為個心在你果邊
73.
A：我曾經以為自己脫離凡俗，斬斷左七情六慾，直到我嚟左呢道。
B：呢道有咩咁特別呢？
A：呢道有你，你令我動左情。
74.
A：對唔住呀！我又做錯野。
B：拿！今日呀姐/哥我教你做人！唔好成日講對唔住！
A：咁我要講啲咩或者做啲咩？
B：我唔要對唔住，我要你下半世人對住我就得。
75.
A：點解你成日都唔記得野嘅？
B：我成日都唔得野？
A：你成日都唔記得我嘅好處。
76.
A：係COVID 19 下我好少同其他人見面
B：係呀，一係Work from home一係禁晚市，總之就留左響屋企。
A：咁咪好囉
B：有幾好？
A：我有更多時間見重要嘅人
B ：例如？
A：你囉！
77.
B：點解你成日都肯陪我買衫嘅
A：因為我可以中意睇到唔同造型嘅你～
78.
A：我發現我呈陽性反應
B：你中左covid 19?!
A：我係對你呈陽性反應！
79.
A：香港而家好悶，夜晚都唔知有咩地方好去
B：深度遊～
A：去我個心果道深度遊～
80.
A：知唔知有咩工可以返一世？
B：公務員？
A：做我老公～
81.
A：下星期日得唔得閒呀，不如同我去游水？
B：點解你想約我游水嘅？
A：咁你就可以同我出pool 囉～
82.
A：呢幾年香港人生活好苦
B：係呀之前社會事件……之後疫情，已經持續左兩年啦
A：雖然好苦，但有你好甜。
83.（情侶限定）（kiss完後啱用）
A：好甜呀！
B：我嘅笑容好甜？
A：唔係。
B：同我一齊幸福到好甜？
A：係你啲口水好甜！
B：……
84.
A：好熱呀！
B：得十二度好凍喎！
A：對住你我覺得好熱
B：點解嘅？你慾火焚身？
A：唔係呀，乜你諗啲咁嘅野架，係我地兩個打得火熱～
85.
A：我唔中意在家工作
B：點解呀？work from home 唔好咩？
A：好咩呀！我而家係work alone 呀！
86.（表白適用）
A：我愛你
B：我要考慮一陣，我未知自己準備好未。
曾經有人講過，一個人鍾意一條小溪係因為佢未見過大海。我擔心你未玩夠。
B：我見過銀河，但我只係鍾意你呢一粒星。
87.
A：你知唔知點解香港犯罪率愈嚟愈高？
B：因為經濟變差？
A：因為你愈嚟愈靚，引人犯罪。
88.
A：你一時想移民，一時想考公務員，乜你有咁多計劃架
B：我計劃多唔緊，每一個計劃都有份咪得囉～
89.
A：你成日都唔鍾意呢樣嘢唔鍾意果樣嘢，你個人好反社會呀
B：我只係鍾意一啲你會同我一齊做嘅野。
90.（陪行街時適用）
A：呢道咁多個款，我唔知揀邊款好
B：揀我呀～
91.
A：太好啦，你檢測結果係陰性，擔心死我啦
B：你嘅結果都未出，咁開心做咩？
A：因為我放左個心係你果邊，你無事即係我冇事
B：……
92.
A：呢個世界上有窮人、黑人、白人、好人、壞人，你知唔知我最做咩人？
B：做一個唔洗返工嘅人？
A：做你愛嘅人～
93.
A：喂！我要表達我嘅訴求！
B：你有咩訴求呢黎生？
A：我嘅訴求就係做你老公，冇其他啦。
94.
A：你聽日有冇野做呀？
B：有呀，要落去撩鼻～
A：我陪你排隊呀！
B：果道好危險，一陣冇事都變有事
A：比起危險，我更加怕我嘅寶貝悶親，兩個鐘冇人陪你傾計邊道得呢？
95.
A：我呢道可能要強檢，你唔好上嚟我屋企啦
B：就係咁我先要試你屋企
A：一陣封兩星期你咪唔洗返工囉。
B：我又唔係黎生。只不過如果要封兩星期，我想留喺你身邊照顧你。
96.
A：假如你要入竹篙灣，你會帶啲乜嘢入去
B：我會帶對你嘅思念入去
97.
A：強檢圍封左三日好辛苦呀，係屋企都唔知做乜
B：我仲辛苦啦！
A：你係出面行得走得，有幾辛苦呀。
B：三日冇得見你好辛苦。
98.
A：呢排好多人疫情好嚴重，你要注意衛生呀！
B：唔洗擔心啦，打咗針嘅死亡率好低架～
A：除左擔心你死，我都接受唔到21日見唔到你。
99.
A：星期日你得唔得閒？
B：得閒呀，但而家啲娛樂場所閂晒喎。
A：就算冇嘢做我都想約你
B：點解嘅？
A：因為同你一齊我已經好快樂。
100.
A：點解條路咁闊你都癡咁埋嘅？
B：因為我要做你嘅密切接觸者
A：吓？
B：咁樣我先可同你一齊居家隔離，等你唔洗孤零零一個。
A：……..