撩妹語錄可以嚟到第20集,有賴大家嘅支持~
情人節就嚟到啦,睇多啲我哋嘅撩妹語錄,準備下自己啦!無論你有冇拍拖,我哋嘅撩妹語錄一定幫到你,如果未有嘅話唔緊要睇埋第20集嘅撩妹語錄,話唔定可以幫到你搵一段新嘅姻緣。
撩妹語錄除咗用嚟溝女,更加可以增加情侶之間嘅情趣!令你哋嘅關係更加保鮮!
疫情下大家笑多啲啦~多啲支持下廣東話嘅作品~幫你喺情人節用廣東話媾女。
1.
A:下星期日得唔得閒呀,不如同我去游水?
B:點解你想約我游水嘅?
A:咁你就可以同我出pool 囉~
2.
A:呢幾年香港人生活好苦
B:係呀之前社會事件……之後疫情,已經持續左兩年啦
A:雖然好苦,但有你好甜。
3.(情侶限定)(kiss完後啱用)
A:好甜呀!
B:我嘅笑容好甜?
A:唔係。
B:同我一齊幸福到好甜?
A:係你啲口水好甜!
B:……
4.
A:好熱呀!
B:得十二度好凍喎!
A:對住你我覺得好熱~
B:點解嘅?你慾火焚身?
A:唔係呀,乜你諗啲咁嘅野架,係我地兩個打得火熱~
5.
A:我唔中意在家工作!
B:點解呀?work from home 唔好咩?
A:好咩呀!我而家係work alone 呀!
6.(表白適用)
A:我愛你!
B:我要考慮一陣,我未知自己準備好未。
曾經有人講過,一個人鍾意一條小溪係因為佢未見過大海。我擔心你未玩夠。
B:我見過銀河,但我只係鍾意你呢一粒星。
7.
A:你知唔知點解香港犯罪率愈嚟愈高?
B:因為經濟變差?
A:因為你愈嚟愈靚,引人犯罪。
8.
A:你一時想移民,一時想考公務員,乜你有咁多計劃架?
B:我計劃多唔緊,每一個計劃都有份咪得囉~
9.
A:你成日都唔鍾意呢樣嘢唔鍾意果樣嘢,你個人好反社會呀!
B:我只係鍾意一啲你會同我一齊做嘅野。
10.(陪行街時適用)
A:呢道咁多個款,我唔知揀邊款好。
B:揀我呀~
如果你認為此文章高質的話,馬上follow我們的IG, FB以及把我們的網頁加到我的最愛吧!你的like share and comment 對我們來說都是支持!