香港疫情持續,好多地方都依然關閉,可能好多讀者學完我哋嘅撩妹語錄之後都唔知喺邊度用好!

約去食飯?啲食肆六點就閂門!想放工之後約女同事飲酒flirt 下佢?酒吧都唔知幾耐冇開啦!

想約去睇戲?戲院又閂晒!想去樂園行吓?啲樂園又唔開!想去沙灘show下身材同玩水?而家連沙灘都閂埋!

唔緊要!唔緊要!唔好嬲住!我哋幫你整理左一啲拍拖/媾女好去處!等你可以好好運用我哋嘅撩妹語錄去媾女。

第一,行下市集!

係疫情下好多地方都關閉抗疫,但係一啲地方依然有舉行特色小市集。

係疫情下經濟急速惡化,唔少人被迫失業,好多市民轉型為創業者,發展自己嘅手工同創意為一門小生意,而呢啲小市集正正成為佢地宣傳同賺取收入嘅好機會。

如果大家諗唔到去邊度拍拖嘅,不妨去吓呢啲特色市集,一方面多一個話題多一個相處機會,另一方面可以支持下本地經濟。

香港手作街呢個網站就有定期公佈邊道有市集舉行,方便大家知道唔同市集嘅舉行時間。

香港手作市集資訊 – 香港手作街 https://www.hkhandicraft.com/fair/listing#.YkgAm-3PqhA.whatsapp

第二,去下郊遊!

香港有4成嘅土地都係郊野公園範圍,香港一共有24個郊野公園,遍布香港各地,在郊野公園範圍內一共有129條行山徑。當中麥理浩徑更加長達100公里,橫跨香港東至西面。

除咗大家成日去嘅離島,不如去多一啲唔同嘅山頭啦!

既然在疫情下大家不能到外國遊玩,不妨欣賞一下香港嘅美景吧!當然我哋係郊遊嘅時候要注重環保,自己嘅垃圾仔由自己帶走。

以下呢個網站提供左香港唔少嘅行山徑,大家不妨參考下~

https://www.oasistrek.com/trail.php

第三,行吓公園!香港康文署轄下有1674個公園,當中26個為大型公園有好多唔同嘅公園、例如香港公園、九龍公園、屯門公園、香港動植物公園、北區等等,不同公園為市民提供左唔同嘅設施,例如動植物園、鳥園、大型草地、花園等等,其實都好適合唔同興趣嘅你去散下心拍下拖。

除左康文署嘅公園,仲有嘉道理農場、香港濕地公園等等嘅地方亦都好適合大家去,入面嘅靚景方便大家影相,寧靜中又有一啲生氣,方便大家傾吓計flirt下女,順便可以用下我哋幫大家提供嘅撩妹語錄。

呢個政府網站提供左香港唔少公園嘅資料,

香港人,當然可以享用返香港政府提供嘅資源啦!

https://www.lcsd.gov.hk/tc/lhtp/passive-facilities.html

第四,踩下單車!屯馬開通當然好興奮啦

全港最長嘅單車徑上線啦!呢一段由馬鞍山經大埔、粉嶺、上水、元朗最後抵達屯門全長60公里嘅。

沿途嘅風景多姿多彩,由城市、海邊入到農田再去到濕地,試過全條踩絕對會令你對香港嘅地理有一番新認知。

當然,大家唔一定要踩晒全條單車徑,可以喺你哋附近嘅地方踩下拍下拖,做到舒服同埋有適當相處嘅空間就夠。最緊要當然係注意安全啦~

香港土木工程署呢個網站為大家提供左屯馬線嘅資料,大家喺踩單車嘅時候不妨上下佢地嘅網站睇下資料~

https://www.ntctn.hk/tc/full-track

如果大家唔想踩全段屯馬單車徑嘅,不妨試吓香港本地嘅共享單車。方便大家隨時租車隨時還車。

Local Bike

第五,一齊整吓嘢食/手工!

喺疫情下少部份嘅手工班依然有開,如果大家已經係情侶或者關係比較穩定,不妨一齊去下呢啲小型興趣班,喺大家合作做一啲手作嘅時候可能會產生意想不到嘅火花,如果你哋已經係情侶嘅感情可以昇華,未係情侶嘅話唔定今次係一個好機會。

最後,我地祝大家喺疫情下能夠搵到另一半,甜甜蜜蜜咁捱過呢一段苦日子。

By user

發佈留言

發佈留言必須填寫的電子郵件地址不會公開。