又到聖誕!又到聖誕!今日終於到聖誕節!單身嘅你無論係返工定返學見到街上一pair pair情侶,你會唔會又心郁郁想搵返個伴侶呢?

你想嘅話我地try more 團隊就幫到你try 下啦,睇下有冇機會聖誕出pool,脫單成功!

我地try more 團隊為你精心準備左過去100句廣東話撩妹語錄嘅合集!快啲嚟學下,喺聖誕約女仔出街果陣用下啦~

1.

A:你知唔知最幸福嘅數字係咩?

B:唔知呀!

A:係5呀!

B:點解嘅?

A:你拎隻手出嚟!(伸手)

B:(伸手)

A:因為咁樣(伸手捉住佢隻手並十字緊扣)

2.

A:你發唔發覺自己愈嚟愈黑?

B:點解嘅?

A:因為我錫到你燶呀!

3.

A:我發現我近排嘅視力好左!

B:點解嘅?

A:因為我識咗你之後我嘅世界由黑白變成彩色!

4.

A:有沙嘅沙漠,冇你嘅地方係咩?

B:係咩呀?

A:係寂寞!

5.

A:你有冇發現自己塊面冇以前咁圓?

B:點解嘅?

A:因為你愈來愈「正」!

6.

A:你好,我想問下呢條路點去?

B:係邊條路?

A:愛してます(我愛你)(粵語發音:埃s爹lu,最後一個字與「路」相似)

7.

A:你仲差我錢喎!

B:吓?無啦啦做咩差你錢?

A:你住左係我個心好耐啦,係時候要交租。

8.

A:今年蛇年呀,你係咪屬蛇架?

B:唔係呀!我屬X架!咁你屬咩架?

A:我屬於你!

9.

A:你有冇發現自己變左一隻豬?

B:你講咩話?

A:你變左我嘅掌上明珠!

10.

A:我識睇掌架!你拎隻手出嚟俾我睇下呀!

B:你識睇掌?好呀!(B伸出手或A拎起B隻手)

A:你個命格入面缺左啲野!

B:缺左啲咩?

A:缺左我!

11. 

A:我近排成日牙痛

B:點解呀?

A:因為我晚晚發夢都見到你,甜蜜到蛀牙!

12. 

A:我地玩一二三紅綠燈呀!

B:好!123,紅綠燈,過馬路,要小心!

A:我輸左啦!

B:你冇郁喎!

A:我對你心郁左!

13.

 A:你鍾唔鍾意狗?(喺寵物店/見到狗果陣)

B:鍾意呀!

A:我係單身狗,咁你咪好鍾意我囉?

14.

 A:我近排運氣好差!

B:搞咩呀?

A:因為我嘅好運都用嚟遇到你!

15.

 A:近排有啲野好考我嘅智慧!

B:係啲乜野?

A:考慮我地嘅將來!

16.

 A:好多人都話女人係用水做!不過我發現左一個例外!

B:嗯?

A:我發現左你係為我度身訂做!

17.

 A:如果你係Wi Fi,我就係手機?

B:嗯?

A:我地有linkage

18.

 A:Grad左之後唔知做咩好……

B:做我老婆~

19.

 A:我個心突然好痛。

B:下!你係咪有心肌炎呀?

A:唔係呀!我見到你之後個心小鹿亂撞!

20.

 A:好好奇你識另一半嘅標準係乜?

B:我得一個標準。

A:係…?

B:果個人必須係你!

21.

 A:我發現我心胸愈來愈狹窄。

B :點解嘅?

A:因為住左你佢就住唔到其他人。

22.

 A:你知唔知而家幾點?

B:3點囉。

A:唔係,係我地幸福嘅起點。

23.

 A:咦,你塊面有啲野!

B:有啲咩?

A:有啲靚!

24.

 A:你好叻,樣樣野都叻過我,條件好我好多,不過我有一樣野叻過你。

B:係咩呀傻佬?

A:「我愛你」比「你愛我」更多。

25.

 A:你係咩血型呀?

B:B型血呀

A:咁你知唔知我係咩血型?

B:O型?

A:我係你嘅理想型!

26.

 A:我係一個不思進取嘅人。

B:你都知呢?

A:因為我只淨係對你朝思慕想。

27.

 A:Goodnight la

B:咁早?而家3點咋喎?

A:我想早啲夢見你呀嘛!

28.

 A:我係一個好花心嘅人。

B:有嘅花心呀?

A:我唔會為左一棵樹放棄一個森林。

B:嘖,咁你即係同我玩玩下啦。

A:所以我斬左成個森林留返你呢一棵樹!

29.

 A:你識唔識吹口哨?(情侶/夫妻專用)

B:識呀!(吹口哨)

A:(一野咀返去)

30. A:原來你游水好叻

B:下!還好啦。

A:你係我腦海游左成日,點會唔叻!

31.

A:我好後悔冇早啲識你!

B:咁我又冇喎!

A:下,乜你咁架?

B:因為我係我最好嘅時候識左你!

32.

 A:喂!我結婚果陣你一定要嚟呀!

B:咩話……你準備結婚啦?

A:嗯……

B:哦!

A:自己一個結婚冇新郎好柒架,所以你一定要嚟!

33.

A:你琴日又做錯野啦!

B:請問我又做啲咩呢?

A:你琴日又錯過左同我一齊嘅機會!

34. 

A:我有少少掛住你!

B:得少少咋?

A:因為其他都係好愛你!

35.

A:我搵緊一啲野。

B:你搵緊啲咩呀?

A:我搵緊點樣行入你個心。

36. 

A:我可唔可以借你枝唇膏用下

B:梗係唔得啦,你用完我點用呀?

A:我可以每日「親口」還俾你。

37.

 A:你可唔可以幫我拍一鏡到底嘅野?(拎住部手機/相機)

B:可以呀!幫你拍啲咩?

A:同我拍一次到尾嘅拖。

38. 

A:大風嘅時候啱放風爭,咁你知唔知我地兩個人嘅時候啱放咩?

B:放水?

A:放閃呀!(拎手機開IG自拍)

39. 

A:你係茶葉,我係奶,我地要點變奶茶?

B:我地溝埋囉!

A:咁你受唔受我「溝」呀?

40. 

A:我想快啲有人埋葬我

B:咩話!?

A:因為好多人話結婚係愛情嘅墳墓。

B:嘖

A:咁你幾時埋葬我

41. 

A:你再唔行前啲我就搬屋架啦

B:你搬屋關我咩事

A:做人退一步海闊天空,愛情退一步人去樓空!

42.

A:你壞左啦

B:壞左?

A : 我縱到你壞咗

43.

A:我好蠢

B:有幾蠢呀?

A:蠢到唔知點追你!

44.

A:好心你收下你把口!

B:乜我把口好差咩?

A:你唔收下把口我驚我會忍唔住錫你!

45.

A:呀!你撞左我一下!(故意撞個女仔一下再鬧佢)

B:唔好意思/對唔住

A:你知唔知你撞左入我個心。

46.

A:你對眼好靚

B:多謝

A:但人地話我對眼仲靚,因為我對眼入面有你。

47.

A:如果我係司機咁你係乜?

B:我係XXX

A:你係我嘅導航,因為我淨係會跟住你行

48.

A:我覺得我好黑

B:係咪因為我好白顯得你好黑呢?

A:係因為我唔黑點樣暗中保護你呀?

49.

A:我愈識得你耐愈覺得你似一個卡通人物?

B:我似白雪公主?

A:你似比卡超(Pikachu),因為我俾你電親。

50.

A:你知唔知牛奶同朱古力有幾match

B:有幾Match ar

A:好似我同你咁match

51.

A:我有時真係覺得自己好花心。

B:點解嘅?

A:咩性格嘅你我都好鍾意!

52.

A:BB,我覺得你唔適合同我拍拖!

B:咁……你要同我分手?

A:我覺得你適合嫁俾我!

53.

A:有時候我真係好想困住你。

B:非法禁錮?

A:我想困你喺我個心入面。

54.

A:人生好漫長,花樣年華卻很短,如果搵唔到自己嘅目標嘅話,就稱唔上好好活過吧!

B:咁你嘅目標係咩(或者B會唔講野,咁就自己接落去)

A:我用我嘅青春去追求你

55.

A:你近排係咪買咗車,車我出去玩呀,等我可以做一個特別嘅人!

B:做搭霸王車嘅人?

A:做一個愛斯基摩人(愛司機魔人)

56.

A:人生有咁多個十年難免錯過一啲野,可以會錯過巴士、地鐵、電影……或者一段姻緣

B:係……?

A:所以請你唔好錯過我!

57.

B:我地幾日冇見,有冇少少掛住我?

A:冇

B:oh…..

A:唔係少少掛住你,係多多掛住你!

58.

B:話說,我今日上磅見到自己重左…….

A:你係咪食太多呀?

B:因為……我個心多左你……所以咪重左囉!

59.

A:我地影張相呀!(舉起手機自拍

B:好呀!

A:你企我右邊呀(趁佢未埋位果陣講/佢原本企右邊就叫佢企近啲)

B:點解嘅?

A:咁樣我可以靠埋啲你個心。

60.

A:請問你有冇雙胞胎姊妹?

B:冇

A:咁你就係世界上最靚嘅女人

61.

A:我近排想買一塊地。

B:咁有錢?買咩地呀?

A:想買你對我死心塌地

62.

A:我有時對住你真係無話可說

B:點解呢?

A:你靚到無話可說

63.

A:喂,你做咩亂咁dum野?

B:我dum左啲咩呢?

A:你dum低左我

64.

A:你不如學左CPR先同我出嚟食飯?

B:點解要咁麻煩呢?

A:因為你會靚到令我透唔到氣。

65.

A:你知唔知邊個係我偶像?

B:姜濤?

A:係蔡倫!

B:點解呢?

A:因為冇佢造紙我就寫唔到情書俾你。

66.

A:你借個火機嚟用下

B:我唔食煙架喎,點會有火機?

A:你有火機咁你點樣點著我個心架?

67.

A:你食左飯未呀?

B:你做咩成日問我食左飯未?

A:因為我唔在乎其他人食左飯未?但我在乎你。

68.

A:你做咩打我?(拍打對方一下)

B:因為我想打動你個心

69.

B:你好耐有覆我signal 啦,好忙?

A:忙呀,忙住賺錢娶你。

70.

A:我DSE考得差,中文差、英文差、數學差、……樣樣都差。

B:咁一個人總有啲野叻嘅

A:我對你嘅愛係5**

71.

A:有啲野我一世只會做一次!

B:係咩嚟架?

A:一世人只愛你一次!同你一齊行落去!

72.

A:你覺唔覺呢本書好悶,乜都冇!

B:點會呀?呢本係少年維特的煩惱喎?

A:冇你陪我嘅日子,咩書都悶啦!

73.

A:好多人問我啲財產要點樣分配?

B:咁你打算點樣分配?

A:咁要問你啦?一個女人最重要嘅財產就係佢嘅心,我嘅心一早俾咗你啦!

74.

A:你係咪傻架?成日係道傻笑

B:因為我諗起我同你一齊嘅點滴!

75.

A:你做咩成日係道寫野嘅?

B:我記性唔好,唔寫低你嘅好我怕我有一日會唔記得。

76.

B:我想你做我女朋友!

A:我覺得我地發展得有啲太快!不如我地做住朋友先?

B:朋友我有好多,但我想要一個女朋友。

77.

A:啲人成日話女人係水造,我同意!

B:點解嘅?

A:我原本係冰,但我見到你我就變返做水!

78.

A:你願唔願意放棄一切同我一齊?

B:唔願意!

A:咁好啦!我都估到架啦!

B:我嘅一切就係你,點可能放棄?

79.

A:我發現我最近多咗一種超能力

B:係乜嘢超能力?

A:超愛你嘅能力!

80.

A:識我咁耐覺得我係一個點嘅人?

B:我覺得你將會係我嘅人?

81.

A:點解我哋嘅合照中間有個留白位嘅?

B:留返俾我地第時嘅小朋友?

82.

B:我最近發現你似一樣嘢

A:似乜嘢呢?

B:似一部相機

A:吓?點解呢?

B:因為我對住你會不期然地笑~

83.

B:我送你返屋企送埋今年咋(適合係新年果陣講)

A:你唔愛我啦?

B:我希望出年係你同我一齊返屋企!

84.

A:喂,你打嚟做咩呀?我返緊工呀!

B:我突然想聽下你把聲。

85.

A:我嘅幸福數字係10,你嘅係咩?

B:7?

A:唔係!係89

B:點解

A:因為89 不離10。

86.

A:我諗我做唔到一個好醫生,因為我能醫不自醫?

B:你有咩病呀?睇吓我醫唔醫到你?

A:我有對你嘅相思病,要見你見多啲嚟醫~

類似系列~

做唔到好嘅畫家,因為模特兒全部都係你~

做唔到好嘅作家,因為主角全部都係你~

87.

B:你行果邊近啲喎,做咩成日都行呢邊嘅?

A:因為可以同你一齊行耐啲。

88.

A:你可唔可以行慢啲?

B:乜我行得好快咩?

A:乜你知唔知我追你追得好辛苦?

89.

B:等我拎個地圖出嚟睇下先!

A:你做咩事呀?

B:乜你唔知我係你個心盪失路咩?

90.

A:有啲嘢一係要晒一係唔要,有啲嘢一係永遠一係唔好要。

B:係乜嘢呢?

A:係我同你嘅愛情!

91.

A:我近排記性差左

B:做咩事呀?

A:我發現我同你一齊就會唔記得時間。

92.

A:我近排鍾意左一個人!

B:跟住呢?

A:跟住佢問我跟住呢?

B:……

93.

B:你份人真係好差,成日害人!

A:你唔好亂講喎!我都冇害過你!

B:冇?你害我成日都咁掛住你!

A:噢!

94.

(女仔及情侶限定,否則可能違反香港法律!!!)

A:我變個魔術俾你睇下!

(隻手fing 兩fing之後再吹一下隻手,呼!再隻手放喺男仔個心口)

B:um……你變左啲咩?

A:我將自己個心變左俾你,令自己更鍾意你!

95.

A:有一本書我想寫但好耐都未寫。

B:係咩書呀?

A:我同你嘅結婚證書

B:…….

96.

A:我近排想買鎖,你有冇咩推介?

B:你想鎖啲咩先?

A:我想鎖住你個心!

97.

A:你要唔要幫我買份保險?

B:點解要幫你買呢?

A:因為可以保護對你嚟講好重要嘅嘢

B:乜嘢都得?

A:係呀!保乜都得!

B:咁保唔保到你陪我一輩子?

98.

A:知唔知最多生果賣嘅果欄係邊道?

B:油麻地囉!

A:咁你知唔知最幸福嘅地係邊道?

B:大笪地?

A:係我哋!

B:!?

99.

A:好多人都話我心胸好狹窄,但我覺得呢件係一件好事。

B:吓!點解咁樣都係好事?

A:因為我個心裝滿晒我同你嘅回憶

100.

A:你要唔要去睇吓眼科醫生?

B:點解呢?

A:咁要問你啦,點解我做咗咁多嘢你都睇唔出我鍾意你。

By user

發佈留言

發佈留言必須填寫的電子郵件地址不會公開。 必填欄位標示為 *