又到聖誕！又到聖誕！單身嘅你無論係返工定返學見到街上一pair pair情侶，你會唔會又心郁郁想搵返個伴侶呢？

你想嘅話我地try more 團隊就幫到你try 下啦，睇下有冇機會聖誕出pool，脫單成功！

而家網上大部份嘅撩妹語錄都係來自內地或者臺灣，喺語法上同文化上都有少少唔同，所以我哋創作左一啲本地嘅撩妹語錄，希望幫到大家媾女、拍拖或者搞下氣氛～

撩妹語錄除咗用嚟溝女，更加可以增加情侶之間嘅情趣！令你哋嘅關係更加保鮮！感情保鮮先可以令吉你地行得更遠～

繼之前90句香港撩妹語錄之外，我地又幫你度左10句！快啲嚟學下，喺聖誕約女仔出街果陣用下啦～

1.

A：我近排記性差左

B：做咩事呀？

A：我發現我同你一齊就會唔記得時間。

2.

A：我近排鍾意左一個人！

B：跟住呢？

A：跟住佢問我跟住呢？

B：……

3.

B：你份人真係好差，成日害人！

A：你唔好亂講喎！我都冇害過你！

B：冇？你害我成日都咁掛住你!

A：噢！

4.

（女仔及情侶限定，否則可能違反香港法律！！！）

A：我變個魔術俾你睇下！

（隻手fing 兩fing之後再吹一下隻手，呼！再隻手放喺男仔個心口）

B：um……你變左啲咩？

A：我將自己個心變左俾你，令自己更鍾意你！

5.

A：有一本書我想寫但好耐都未寫。

B：係咩書呀？

A：我同你嘅結婚證書

B：…….

6.

A：我近排想買鎖，你有冇咩推介？

B：你想鎖啲咩先？

A：我想鎖住你個心！

7.

A：你要唔要幫我買份保險？

B：點解要幫你買呢？

A：因為可以保護對你嚟講好重要嘅嘢

B：乜嘢都得？

A：係呀！保乜都得！

B：咁保唔保到你陪我一輩子？

8.

A：知唔知最多生果賣嘅果欄係邊道？

B：油麻地囉！

A：咁你知唔知最幸福嘅地係邊道？

B：大笪地？

A：係我哋！

B：！？

9.

A：好多人都話我心胸好狹窄，但我覺得呢件係一件好事。

B：吓！點解咁樣都係好事？

A：因為我個心裝滿晒我同你嘅回憶

10.

A：你要唔要去睇吓眼科醫生？

B：點解呢？

A：咁要問你啦，點解我做咗咁多嘢你都睇唔出我鍾意你。